Фернандез за најавата за негово заминување од Челси: Луѓето во клубот…

13.02.2024 februari Vtornik

Енцо Фернандез е еден од играчите кој пристигна во редовите на Челси во оваа нова ера или поточно откако се промени сопственичката структура на премиерлигашот.

Тој веќе една година е дел од „сините“, период во кој имаше проблеми кога е во прашање адаптацијата, а и со тоа да го даде најдоброто од себе. Меѓутоа Челси како целина минува низ транзиционен период и никако не успева да се стабилизира, па и Аргентинецот влезе во таа приказна, па во изминативе денови се појавија гласини, шпекулации дека играчот од средината на теренот е подготвен да си замине и се пресели во Барселона.

Токму за овие вести Енцо доби можност да го искаже својот став и да испрати порака дека размислува само за сегашниот тим.

-Не сакам да го напуштам Челси. Се чувствувам многу добро овде со моите соиграчи и стручниот штаб и тоа е така од денот кога пристигнав. Луѓето во клубот се однесуваат многу добро со мене и јас сум благодарен за тоа. Ќе продолжам овде се додека тие ме сакаат. Не знам од каде потекнуваат тие гласини… но јас целосно ги демантирам, -порача Енцо.