Фергусон ќе добие медал 40 години по освоениот трофеј во финалето со Реал

Алекс Фергусон освои многу трофеи во својата тренерска кариера, но ќе ја збогати личната колекција со медал за еден од најдрагите успеси.

Фергусон го предводеше Абердин до победа во Купот на победниците на куповите во 1983 година, но тогаш медали за успехот добивале само стартерите во финалето и петте резерви на клупата.

УЕФА ќе го одбележи успехот на шкотскиот клуб кој во финалето го совлада Реал Мадрид, изработувајќи дополнителни шест медали, од кои едниот очекувано е наменет за тогашниот тренер.

Дополнителен медал ќе добијат и еден фудбалер кој не настапил поради повреда во финалето и помошникот на Ферги во тој период.

Фергусон освои 49 медали како тренер, од кои 10 се освоени со Абердин, еден со Ст. Мирен и дури 38 со Манчестер Јунајтед.