Федерер покажа дека може да гази и во пинг-понг

Рожер Федерер оваа вечер ќе го одигра својот последен меч во кариерата, па целото внимание на тениската и спортската јавноста е насочено кон него затоа што се работи за ас од највисока класа, еден од најголемите во историјата.

Швајцарецот својот последен танц ќе го има на „Лејвер Купот“ во Лондон, а во пресрет на овие битки беа одржани неколку настани на кои играчите од тимот на Европа и тимот на светот се појавија скоцкани во одела.

Федерер и Диего Шварцман искористија прилика да се испробаат во пинг понг и тоа кога беа „костумосани“, а според споделеното видео Рожер супер се наоѓа и на ова поле.