Фановите на Џејмс Бонд може да го гледаат „Не е време за умирање“ дома

„Не е време за умирање“ почна да се прикажува во киносалите пред нешто повеќе од еден месец, но се чини дека последниот филм на Даниел Крег како 007 ќе се појави на стриминг-услугите оваа недела. Во САД филмот е веќе достапен на стриминг-услугата „Видео на барање“ – Video-on-demand (VOD) – од 9 ноември. No Time to Die може да се гледа дома со претплата на „Вуду“, „Епл ТВ“, „Амазон прајм видео“, „Јутјуб“ и „Микрософт мувис“. Во Обединетото Кралство засега единствениот начин да се гледа филмот е во кино.