Фабрегас за изненадувачкиот потег: Ова е најважен предизвик во мојата кариера, сакам Комо…

Фабрегас за изненадувачкиот потег: Ова е најважен предизвик во мојата кариера, сакам Комо…

Прославениот шпански ас, Сеск Фабрегас во новата сезона ќе го гледаме во Италија, ама не во елитната конкуренција туку во Серија Б каде се реши да потпише за Комо.

Ова дефинитивно е шокантна, изненадувачка одлука на некогашниот член на Барселона, Арсенал, Челси и Монако да се пресели во втората италијанска лига, но за него ова е еден од најголемите предизвици во кариерата и воедно сака да го врати тимот во најсилниот шампионат на Апенините.

-Дојдов овде да играм на најдобар начин и да победам на што повеќе натпревари. Ова е мојот приоритет и ако почувствувам дека повеќе не е така, ќе ги закачам моите копачки. Сакам да го одведам Комо онаму каде што заслужуваа да биде, во Серија А. Решив да дојдам овде поради многу причини. Сакав проект кој ќе ми даде ентузијазам, не ме интересираа парите. Вајс (Денис) беше најубедлив и гледам долгорочна иднина за овој клуб.

-Мислам дека ова е еден од најважните предизвици во мојата кариера, -рече Шпанецот кој се обврза на договор до 2024 година и притоа порача дека овој проект е подобар од сите МЛС понуди.