Уште еден калчолигаш со интерес за Енис Барди

23.07.2021 Juli Petok

Откако вчера излегоа информации дека македонскиот репрезентативец, Енис Барди се поврзува со трансфер во редовите на Милан, италијанските медиуми денес пренесоа нови вести поврзани со фудбалерот од средниот ред.

Имено, за нашиот репрезентативец интерес пројавиле и од Торино, клуб кој ова лето склопува поамбициозен тим кој нема грчевито да се бори за опстанок како минатата сезона.

Меѓу трансфер желбите на новиот тренер на клубот, Иван Јуриќ, бил токму и нашиот Барди кој веројатно ќе си замине од Леванте ова лето.

Причината за тоа е што шпанскиот клуб бара начин како да заработи пари со кои би се покриле трошоците настанати поради ковид пандемијата, а продажбата на Барди е еден од излезите за решавање на финансиските проблеми.

Енис Барди го носи дресот на Леванте уште од 2017 година кога го реализираше одличниот трансфер директно од редовите на Ујпешт.