Уште еден голем удар за Франција: Погба ќе го пропушти СП во Катар!

Репрезентацијата на Франција ќе се обиде да ја одбрани мундијалската титула на престојното првенство во Катар, но тоа ќе мора да го направи без многу важни играчи.

Од претходно беше познато дека Н’Голо Канте нема да му биде на располагање на селекторот Дидие Дешамп за да денеска стигне информацијата за ново отсуство и тоа е Пол Погба. Играчот за врска доживеа нова повреда и сега го очекува нова пауза според која во блиска иднина нема да го видиме во дресот на Јувентус како и на СП во Катар.

Веста ја соопшти агентката на играчот, Рафаела Пимента која порача дека Пол максимално ќе и се посвети на рехабилитацијата, закрепнувањето и ќе даде се од себе да се врати на терените колку што е можно побрзо.