Урнебес во Мелбурн: Ѓоковиќ и Тиафо го прекинаа мечот и ја бараа „магичната гума“ на теренот (Видео)

10.02.2021 februari sreda

Новак Ѓоковиќ и Френсис Тиафо одиграа исцрпувачки втор и трет сет во пресметката од второто натпреварувачко коло на Австралија Опен, а на стартот на четвртиот сет кој се покажа како последен, после тешката битка понудија и една урнебесна сцена.

Тиафо го доби тајбрејкот во вториот сет и израмни на 1:1, Новак го доби следниот во третиот сет за 2:1, а во четвртиот сет по една подолга размена на удари, Американецот тргна да бара нешто што е многу важен дел за голем број тенисери.

При силната размена, Тиафо го загуби амортизерот за вибрации на својот рекет (малата гума што се поставува на шпанот), па во комичната и интересна потрага му помогна и светскиот рекет број еден, кој сепак најде обична хартија која не му беше од никаква корист.

Двајцата слатко се изнасмеа откако имаа неуспешна потрага, па Тиафо мораше да продолжи да игра пред да добие нов амортизер.