ТФТ го победи шампионот МЗТ Скопје во суперлигашкото дерби

ТФТ го доби скопското дерби со МЗТ (73:69) и му нанесе пораз на актуелниот шампион во неизвесниот суперлигашки дуел одигран вечерва во „Кале“.

„Аеродромци“ им се вратија на домашните обврски по настапот на завршниот турнир во АБА2 лигата, но вечерва не успеаја да го неутрализираат мотивираниот тим на ТФТ.

Почетокот не навестуваше таков тек на настаните, бидејќи МЗТ го доби првиот период со 11:22, а ТФТ делумно се рехабилитираше до полувремето.

Домаќините направија пресврт во третиот период, кој заврши со резултат 58:53, за последната делница да донесе добри моменти за двете екипи, но и подобра завршница на ТФТ, кој го доби дуелот со 73:69.

Хортон со 17 и Бишоп со 13 поени беа најефикасни

во редовите на ТФТ, додека кај МЗТ, Мекиќ со 14 поени го заврши дуелот како најдобар поентер.