Тухел не штедел критики за играч на Баерн: Направи многу грешки

Томас Тухел се најде под голем притисок по убедливиот пораз од Манчестер Сити во Лигата на шампионите, а во првите изјави по дуелот јавно критикувал еден од своите дефанзивци. Се работи за францускиот репрезентативец Дајо Упамекано, кој направи грешка при вториот гол на Сити, а не реагираше најдобро и постигнувањето на третиот гол од страна на домашниот тим. – Упамекано направи премногу грешки. – Имаше две или три ситуации во кои не беше доволно концентриран и направи ризични потези. – Тоа не смее да се случува на ова ниво и на тој дел од теренот. Сигурен сум дека ќе извлече поуки, бидејќи тој е млад фудбалер. – Но, јасно е дека на натпревари на ова ниво не се дозволени такви грешки, ако сакате да дојдете до позитивен резултат, – изјавил Тухел.