Три фестивалски награди за претставата “Кармен” на Драмски театар

Македонската актерка Биљана Драгиќевиќ Пројковска за улогата на Кармен во истоимената претстава на Драмски театар – Скопје ја доби наградата за најдобра актерка на фестивалот „Македонско културно лето“ во Пустец, Р.Албанија.

Дејан Пројковски ја доби наградата за најдобра режија на монодрамата “Кармен” која воедно е прогласена и за најдобра претстава на Фестивалот.

На 15-то издание на фестивалот „Македонско културно лето“ што се одржа од 1 до 5 јули пред многубројна публика од целиот регион на Пустец настапија неколку македонски професионални театри и хорот Св.Злата Мегленска.