Три измени во однос на дуелот со Италија: Македонија со овие единаесет ќе тргне против Малта (ФОТО)

Македонија има соочување со Малта во квалификациите за Европското првенство каде целта е да се оправда статусот на фаворит и да се освојат трите бода.

Во саботата остваривме добар резултат со Италија, па ова вечерашно гостување (20:45) треба да биде потврда дека истиот не е случаен, односно се освен победа ќе биде разочарување. Селекторот Благоја Милевски се реши да направи три замени во однос на пресметката со „аѕурите“, па така на голот на местото на повредниот Столе Димитровски го имаме Дамјан Шишковски.

Ова од претходно го знаевме и не е изненадување, а кога се во прашање другите две промени, Бојан Димоски ќе го добие местото на Стефан Ашковски, додека Исник Алими добива шанса пред Агон Елези.

На овој меч ќе настапиме со црни дресови со што испишуваме историја затоа што националниот тим никогаш не играл во ваква гарнитура.