„Топ Ган: Маверик“ – продолжение на познатиот филм од 1986 година

Еден од најочекуваните филмови годинава, македонската публика сè уште може да го погледне на големото платно.

Станува збор за „Топ Ган: Маверик“ (Top Gun Maverick) – продолжение на познатиот филм од 1986 година.

Во него, по повеќе од 30 години служба во воената авијација, Пит Мичел е сѐ уште најдобриот пилот. Наскоро, тој ќе мора да се соочи со своето минато додека тренира нов тим на пилоти за опасна мисија која бара жртва.

Во оваа акција, во режија на Џозеф Косински, повторно главната улога ја толкува Том Круз. Во останатите улоги настапуваат Мајлс Телер, Џенифер Конели, Вал Килмер, Џон Хам.