Том Холанд меѓу главните фаворити за новиот Џејмс Бонд

Шпекулациите продолжуваат да се вртат за тоа кој ќе го глуми следниот 007 по последниот филм на Даниел Крег како Џејмс Бонд. Обожавателите на серијалот нестрпливо ја очекуваат најавата на новиот Бонд, а со неодамнешното ажурирање, кое исфрли некои од најголемите предвидувања, сега има нови информации за тоа кој би можел да го преземе кормилото. Последните вести велат дека следниот Џејмс Бонд ќе се движи во друга насока. Поточно, ќе се избира помлад актер.

Според Рос Кинг, ова е многу реално имајќи предвид дека продуцентите на Бонд бараат некој во неговите триесетти. Меѓу нив Том Холанд се појавува како главен фаворит. Познат по улогата на Питер Паркер во најновиот „Спајдермен“, се чини дека тој е најдобрата претпоставка за тоа кој би можел да биде новиот 007. Зад него е Реџе Џин Пејџ од „Бриџертон“, а потоа Том Харди и покрај тоа што има 44 години. Холанд би помогнал да му даде нов живот на остарениот британски таен агент, а во негов прилог оди и фактот што тој е голем обожавател на серијалот.

Во емисијата „Лејт најт“ со Сет Мејерс на почетокот од оваа година, 26-годишниот глумец дури и даде своја идеја за следниот филм за Бонд.

– Во суштина, јас сум голем обожавател на Џејмс Бонд. Ги сакам филмовите со Даниел Крег. Едно време си помислив: ако продолжат понатаму, би било навистина возбудливо да се види како Џејмс Бонд станува Џејмс Бонд – рече тој.

Шпекулациите за Британецот да го портретира култниот лик доаѓаат откако тој ги напушти социјалните мрежи за да му даде приоритет на своето ментално здравје. Актерот сподели видео со кое ги извести следбениците дека прави неопходна пауза од дигиталниот свет.