Том Круз и Доли Партон ќе добијат почесни Оскари

03.07.2025 juli Cetvrtok

Почесната награда, востановена од Академијата во 1950 година, се доделува „како признание за извонредно животно дело, истакнат придонес во уметноста и науката на филмовите или истакната служба за Академијата“. Меѓу неодамнешните добитници се Семјуел Л. Џексон, Анџела Басет и покојниот Дејвид Линч, објави НМЕ.

Круз ќе ја прими својата почесна награда заедно со кореографката и актерка Деби Ален, како и сценскиот дизајнер Вин Томас.Партон ќе ја прими хуманитарната награда „Џин Хершолт“, Оскар доделен за „извонреден придонес во хуманитарни цели“. Меѓу претходните добитници се Опра Винфри и Мајкл Џ. Фокс.

Партон е позната по својата хуманитарна работа со децении, особено во областа на детската писменост. Нејзината програма, „Библиотеката со имагинација на Доли Партон“, дистрибуирала над 285 милиони книги низ целиот свет од 1995 година.