Тифозите на Наполи бараат оставка од Спалети: Ќе ти ја вратиме украдената Фиат Панда ако си одиш! (Ф

Аурелио Де Лаурентис најави дека тимот ќе биде воден од Лучијано Спалети и наредната сезона, вест која одново го разбуди недзадоволството кај тифозите на Наполи кои и онака се гневни во последно време.

Навивачите на клубот се огорчени од фактот што тимот одново остана покус во една шампионска битка во Серија А, а овојпат вината се бара кај тренерот на првиот тим од чии методи не се воодушевени.

Дел од фан базата на Наполи продолжи да прави притисок врз искусниот стручњак, а најново го „поздрави“ со банер поврзан за неговиот украден автомобил.

Спалети остана без својата „Фиат Панда“ на крајот на минатата година откако автомобилот беше украден од пред хотелот во кој престојуваше тимот, па тифозите му ветија дека ќе му го вратат доколку си оди од клубот.

– Спалети, ќе ти ја вратиме твојата Панда….. само во случај ако си одиш!, – гласи банерот на тифозите, на кој е испишан и датумот кога е украден автомобилот (16:10:2021).