Тимот на Дуа Липа ќе го избере британскиот претставник на Евровизија

21.10.2021 Oktomvri Cetvrtok

Тимот што стои зад Дуа Липа и Лана Дел Реј ќе го избере претставникот од Велика Британија за Евровизија 2022 година. Компанијата Tap Management Inc, која исто така се грижи за Ели Гоулдинг и Хејли Стејнфилд, ќе го преземе изборот откако Велика Британија заврши на последно место на овогодишниот натпревар. Џејмс Њумeн не доби ниту еден поен со неговата песна Embers, продолжувајќи ја срамната низа неуспеси на натпреварот. Ниту еден британски кандидат не успеа да влезе во првите 10 уште од Џејд Ивен во 2009 година. Вклучувањето на „Тап“ значи дека дискографската куќа BMG повеќе нема да биде вклучена во изборот на британски претставник.