Тејлор Свифт го освои главниот трофеј на Американските музички награди

Тејлор Свифт ја освои најпрестижната чест во неделата на Американските музички награди (АМА), кога беше прогласена за уметник на годината на најголемата церемонија на која гласаа фановите.

Добивај вести на вибер

Поп-ѕвездата им се заблагодари на гласачите што ја поддржаа по објавувањето на четири оригинални албуми и две преснимки во последните три години.

„Не можам да опишам колку ми е неверојатно што сè уште го правам ова и што сè уште ја сакате мојата музика“, рече таа на сцената на доделувањето на наградите во Лос Анџелес.

Претходно, преснимката на Свифт на нејзиниот албум Red од 2012 година го однесе трофејот за омилен поп-албум.

Таа направи нови верзии на албуми од своето минато по спорот со нејзината поранешна издавачка куќа.