Тестовите се негативни, македонските ракометари чекаат повик за настап на Мундијалот

12.01.2021 Јануари Вторник

Комплетниот состав на ракометната репрезентација на Македонија добил негативни резултати на последното тестирање за ковид-19, со што избраниците на Данило Брестовац се подготвени да патуваат за Египет, доколку добијат повик од ИХФ за настап на Светското првенство, во случај на откажување на некој од учесниците.

Македонските ракометари ќе бидат во карантин до евентуалниот повик за настап на кој ќе чекаат до утре.

Шведска, Чешка, Бразил, САД и Зеленортските Острови пријавија позитивни случаи на коронавирус на последните тестирања. Покрај Македонија, статус на резерва има и Швајцарија, која исто така чека повик од ИХФ.