Тенисерките го преслушаа Азербејџан во Били Џин Кинг Kупот

Женската тениска репрезентација на Македонија забележа нов триумф во Третата Европска зона од Били Џин Кинг Купот што се игра во Скопје.

По вчерашната победа над Албанија од 3-0, денеска со истиот резултат беше решена селекцијата на Азербејџан и тоа во дуели во кој не настапи нашиот најдобар рекет, Лина Ѓорческа.

Првиот поен ни го донесе Александра Симева која славеше над Улвија Сулејманова со 2-0 во сетови (61 61). Потоа Магдалена Стоилковска ја реши Лала Еивазова со 2-0 за да во игра на двојки Ива Данева и Ана Митевска ги надиграт Лала Еивазова и Улвија Сулејманова со 2-0 во сетови (60 60) за 31 минута.

Утре имаме тежок тест, битка со првиот носител селекцијата на Финска.