Тен Хаг со порака до управата на Јунајтед: Ако сакате титули…

Манчестер Јунајтед со победа ја заокружи оваа сезона во Премиер лигата, сезона во која екипата ја зазема третата позиција зад Манчестер Сити и Арсенал.

Со ова беше обезбеден пласман во Лигата на шампионите што беше една од целите, но Јунајтед е голем клуб кој секогаш има високи амбиции за нешто повеќе, а тоа се освојување на пехари. Клубот славеше во Лига Купот, ќе игра финале во ФА купот, но ако сака да се бори за оние најпосакуваните трофеи ќе мора да се вложат дополнителни средства во екипата.

Ова е директната порака која менаџерот Ерик Тен Хаг ја испрати по спуштањето на завесата за кампањата 2022/2023 во Премиер лигата.

-Ние сме во вистинската насока, но не сме таму таму каде што треба да бидеме, има уште долг пат, има потенцијал во овој тим и индивидуални играчи. Покажавме во текот на сезоната, постигнавме напредок, тоа е комплимент за играчите и тренерите, работевме навистина напорно, но мора да направиме инвестиција.

-Клубот знае дали сакате да играте најдобрите четири, да се натпреварувате за трофеи во оваа тешка лига, тогаш мора да инвестирате во спротивно немате шанса затоа што ќе другите клубови тоа ќе го направат, -порача Тен Хаг.