Тен Хаг не добил зелено светло за трансфер на фудбалер на Челси

Манчестер Јунајтед се уште не ги завршува активностите во преодниот рок, а менаџерот Ерик тен Хаг имаше неколку неуспешни обиди да ангажира фудбалери со кои соработуваше во Ајакс.

Еден од нив бил и Хаким Зијеш, актуелен член на Челси кој не може да се пофали со голема минутажа.

Сепак, иако лондонскиот клуб сака да се ослободи од Мароканецот, раководството на Јунајтед не го поддржало Тен Хаг за оваа акција.

Зијеш би бил и поевтина варијанта од Антони од Ајакс, но во Јунајтед не се убедени дека ќе може да го подобри актуелниот тим.

Мароканецот е во уште покомплицирана ситуација по доаѓањето на Рахим Стерлинг во Челси, а интересно Антони беше доведен во Ајакс како негова замена.