Тен Хаг ги одреди играчите кои патуваат на турнеја, Роналдо не е меѓу нив.

Стратегот на Манчестер Јунајтед, Ерик Тен Хаг го одредил тимот кој денеска патува за Банкгкок каде ќе започне првиот дел од претсезонската турнеја на „ѓаволите“.

Како што се очекуваше, во авионот немаше место за Кристијано Роналдо кој не се врати на тренинзите на клубот во Манчестер поради семејни причини.

Португалецот се поврзува со трансфер надвор од „Олд Трафорд“, а во меѓувреме имал семејни проблеми поради кои морал да остане во Португалија и поради кои добил дополнителен одмор од клубот.

Тен Хаг со некомплетен состав ќе ги почне подготовките затоа што јасно е дека клубот треба да се засили со уште неколку фудбалери за да биде конкурентен на своите ривали следната година.

Играчи кои заминаа на турнеја со Манчестер Јунајтед се: Де Хеа, Хитон, Бишоп, Ковар, Баи, Дало, Лерд, Линделоф, Мегбваер, Маласија, Шо, Телеш, Варан, Туанзебе, Ван Бисака, Амад Диало, Бруно Фернандеш, Фред, Гарнер, Ханибал, Икбал, Мектомини, Пелистри, Ван Де Бек, Севиџ, Рашфорд, Санчо, Чонг, Еланга, Марсијал и Гарначо.