Тен Хаг: Верувам во овие играчи, прашање е само на време кога ќе го покажеме вистинското лице!

Манчестер Јунајтед има турбулентни неколку месеци во оваа нова кампања 2023/2024, но без разлика на променливата форма и резултатите менаџерот Ерик Тен Хаг е голем оптимист и верува дека работите ќе си дојдат на свое место.

Јунајтед е на 8. место во Премиер лигата со 15 освоени бодови, тешко му оди во Лигата на шампионите каде по три кола е на третата позиција, односно ова покажува дека пред Тен Хаг е сериозна, напорна работа.

-Во Манчестер Јунајтед секој натпревар вклучува високи влогови. Секој ден, постои притисок врз сите вклучени во овој клуб, но тие барања и стандарди се предизвик што секогаш мораме директно а го исполниме. Иако ова не беше почеток на сезоната на која сите се надевавме, сигурен сум дека имаме талент и став како колектив да се движиме во вистинската насока. Верувам дека е само прашање на време кога ќе го покажеме своето вистинско јас. Ќе дојде, сигурен сум. Продолжувам да верувам во овие играчи и убеден сум дека ќе се подобриме по тешкиот почеток на сезоната.

-Продолжувам да верувам во овие играчи и уверен сум дека ќе се подобриме по тешкиот почеток на сезоната. Никој во овој клуб не ужива во поразот, особено во дербито на Манчестер како минатата недела, но се што постигнавме заедно досега е изградено на гледање напред, што значи дека треба брзо да продолжиме од она што се случува, без разлика дали е позитивно или негативно. Нема смисла да се сожалуваме себеси во овој момент. Никогаш не сме поминале предолго уживајќи во нашите победи, па нема да трошиме премногу време размислувајќи за нашите загуби. Мораме секогаш да гледаме напред, заедно, -порача Холанѓанецот.

„Црвените ѓаволи“ вечерва имаа средба со Њукасл во Лига Купот, па се освен победа, пласман во следната фаза ќе биде ново разочарување и зголемување на притисокот врз холандскиот стручњак.