Таткото на Бритни Спирс се откажува од контролата врз нејзиниот имот од 82 милиони долари

Џејми Спирс се согласи да се повлече од неговата 13-годишна улога како старател-конзерватор на имотот на неговата ќерка Бритни, во она што адвокатот на поп-sвездата го нарече голема победа. „Задоволни сме што г. Спирс и неговиот адвокат денес се согласија тој да биде отстранет од надзорот врз неговата ќерка“, Метју Розенгарт, адвокатот на пејачката, изјави во петокот. Спирс, кој контролира голем дел од приватниот живот и финансиите на неговата ќерка откако таа доживеа нервен слом во 2008 година, се согласи да се повлече и ваквата одлука ја наведе во судски документи поднесени во четвртокот. Поп-sвездата со месеци се обидува да издејствува правна и финансиска слобода и инсистира нејзиниот татко повeќе да нема целосна контрола врз нејзиниот живот. Судското рочиште за расправа по ова прашање е закажано за крајот на септември во Лос Анџелес. Розенгарт одлуката на Џејми Спирс ја нарече „голема победа на Бритни Спирс и уште еден чекор кон правдата“.