Тажна вест од Србија: Почина легендарниот Дуда Ивковиќ

16.09.2021 Septemvri Cetvrtok

Легендарниот српски кошаркарски тренер, Душан Ивковиќ починал на 77-годишна возраст, јавија српските медиуми.

Кошарката остана без еден од најуспешните тренери изминативе децении и човекот кој остави сериозен печат на европската кошаркарска сцена.

Популарниот Дуда освои многу трофеи како тренер и селектор, а Евролигата ја освои два пати како предводник на Олимпијакос, во вториот случај со генерацијата во која беше и нашиот Перо Антиќ.

Како селектор на Југославија, Ивковиќ стигна до злато на европските првенства во 1989 и 1991 година, како и на светското првенство во 1990 година.

Пет години подоцна, Ивковиќ ја одведе и СР Југославија до златен медал на Европското првенство во Грција.