Таа има 24, а свршеникот 68 години: Не сум со него за парите, ние сме нормален пар

Кони признава дека многумина ја обвинуваат дека сака само пари од нејзиниот постар свршеник, но тие ги убедија своите семејства дека се како и секоја друга вљубена двојка. „Луѓето беа шокирани кога дознаа дека сме во врска. Најчестиот коментар што го добивам е дека сум со него само за пари, и многумина велат дека Херб е со мене само за секс бидејќи сум многу помлада“, вели Кони Котен (24) од Вирџинија. Таа и Херб Дикерсон (68) се запознале во центар за бездомници во нивниот роден град Шарлотсвил, каде и двајцата волонтирале. По четири месеци, тие почнаа да живеат заедно, а се свршија минатата година кога Кони прослави 18 месеци откако престана да пие алкохол, пишува „Дејли мејл“. „Моето семејство беше во шок на почетокот и тие не ја одобруваа врската. Беа загрижени, но со текот на времето го прифатија затоа што видоа колку ме усреќува и дека можам да му верувам. Херб сега е дел од семејството “, рече таа. Таа вели дека нивната врска станала посилна кога се поврзале преку својата битка против зависноста. „И двајцата бевме на рехабилитација и тоа е всушност она што ме привлече кон него. Тој ме запроси минатата година, додека славев 18 месеци трезвеност. Инаку за тоа добиваш медал, но тој дојде со прстен. Кога се запознавме, тој веднаш ме привлече. Почнав да флертувам со него, и тоа многу го изненади. Почнавме да поминуваме сè повеќе време заедно, а потоа работите се одвиваа прилично брзо “, рече Кони. Кони признава дека се грижи за иднината и колку време ѝ останува со Херб, но таа е решена да го искористи тоа време на најдобар можен начин.