Судискиот одбор на ФФМ со јасен пример презентираше како се носат клучните одлуки во македонскиот фу

Судискиот одбор на ФФМ со јасен пример презентираше како се носат клучните одлуки во македонскиот фудбал (Фото)Фудбалската Федерација на Македонија после секое коло објавува судиски извештај од комисијата за арбитражата на судиите во Првата и Втората македонската фудбалска лига, а за да се прикаже целата анализа во најдобро светло, сега на јавноста и се прикажа и еден чист пример за тоа како функционираат овие алатки во нашата земја.

Судискиот Одбор при ФФМ, веќе подолго време превзема иницијатива и после секое коло излегува со комплетна стручна анализа на спорните моменти за кои фудбалската јавност има прашања и ги објаснува на стручен начин водејки се исклучиво по УЕФА и ФИФА критериуми на судење. Се анализираат сите можни судиски ситуации.

Во анализата која излегува во јавност, водена исклучиво по УЕФА критериум после секое одигрно коло, влегуваат само спорните ситуации кои би биле на штета на натпреварот, а тоа се:

-Постигнат погодок(гол) или не постигнат погодок(гол)

-Очигледна шанса за гол или Ветувачка акција

-Директен црвен картон или жолт картон

-Прекршок за казнен удар (позиција на рака, интезитет…)

-Офсајд или Онсајд

Останатите анализирани судиски одлуки односно ситуации (критериуми при доделување на жолт картон, движење, поставување, авторитет и.т.н. се комплетираат во видео материјали (клипови) и на сите следни судиски едукативни семинари кои Судиска организација ги оддржува со сите фудбалски судии од Македонија го изедначуваме критериумот ИСКЛУЧИВО во согласност со УЕФА и ФИФА критериумите.

Судискиот Одбор при ФФМ, со својата стручност и искуство во судењето, во целост стои позади секоја излезена судиска анализа во јавноста, при тоа носена секогаш по УЕФА и ФИФА критериум и секогаш во корист на фудбалската јавност, да бидеме транспарентни и праведни во секој поглед.

Се анализираат сите мечеви од ПРВА и ВТОРА лига со присуство на:

-Контролор на мечот, кој по завршеток на натпреварот го има целиот меч во видео фајл и го анализира целиот меч во присуство на целата судиска екипа.

-Ментор. Во целост Судиската организација ја исполнува обврската потпишана со УЕФА за менторирање на Талент судии.

И Менторот по завршеток на натпреварот го има целиот меч во видео фајл и го анализира целиот меч.

-Видео (стрим) контрола. Сите мечеви кои се стримувани на ФФМ-ТВ каналот, односно во живо пренесувани на некои од Македонските односно Спортски тв и Јутуб канали, се контролирани од контролор и сите забелешки се координираат со контролорот односно менторот на дадениот меч.

Мислиме дека ваков начин на работа, мониторирање на еден меч со двајца односно во многу случаи и тројца контролори, многу придонесува, прво за унапредување на судењето, транспарентноста и пред се чист фудбал.

За крај, еве и еден пример за анализирана онсајд ситуација на мечот од 13 коло во ПМФЛ помеѓу Струга ТЛ – Брегалница

Анализирана од елоквентни и стручни членови на судискиот одбор, а притоа е земен во предвид точниот момент на додавање, точно повлечена линија паралелна со гол линија, каде може да се установи дека напаѓачот кој го постигнува голот за Фк Брегалница во 24 минута е дури и позади линијата со топката во момент на додавање и голот е регуларен. Исправна одлука на првиот помошен судија.

Судискиот Одбор при ФФМ, ќе продолжи да работи исклучиво по УЕФА и ФИФА критериуми од најстручни лица, за унапредување и едукација на фудбалската јавност, чесно и транспарентно и нема да потпаѓа на никакви притисоци се со цел секогаш да се заштити фудбалската игра и секогаш да победи фудбалот.