Суарез му донесе драматична победа на Гремио

Луис Суарез повторно им донесе радост на фановите на Гремио, постигнувајќи гол за победа во регионалната Гаучо лига.

Гремио се намачи да го победи тимот на Бразил де Пелотас, а спасител беше токму Уругваецот со голот во финишот.

Суарез успеа да надмудри неколку дефанзивци и во 90. минута предизвика еуфорија на стадионот на Гремио, кој го доби натпреварот со 1:0.

Искусниот напаѓач веќе постигна пет гола на три настапи за бразилскиот тим.