Столе шести меч по ред со „чиста мрежа“, Македонија урива рекорди Фудбал

22.03.2025 Mart Sabota

Македонија дојде до победа на гостински терен кај Лихтенштајн (0-3) и така ја продолжи добрата серија со која продолжи да урива рекорди.

Столе Димитриевски шести натпревар по ред не прими гол, па така преку 600 минути е со „чиста мрежа“, што е апсолутен рекорд во сите конкуренции.

Победата над Лихтенштајн беше седми меч без пораз во низа, што е исто така уште еден рекорд, како и шестата победа во низа на Македонија во сите натпреварувања.

Следен меч за нашиот национален тим е против Велс на домашен терен во рамки на квалификациите за СП 2026.