Столе со спектакуларно отворање на сезоната: Димитриевски неутрализираше нов слалом на противнички ф

Столе со спектакуларно отворање на сезоната: Димитриевски неутрализираше нов слалом на противнички фудбалер (Видео) Столе Димитриевски има спектакуларно отворање на новата сезона во Ла Лига, бидејќи откако се најде во тимот на колото во воведниот викенд, сега има добри шанси да го повтори истото со изданието кое го имаше вечерва во Гранада.

Македонскиот чувар на мрежата имаше импресивна претстава на „Лос Карменес“ стадионот и ги неутрализираше сите удари кои беа испратени кон неговиот гол, а притоа собра најмалку три или четири извонредни интервенции.

Димитриевски брани со голема самодоверба на отворањето во Шпанија и втор меч по ред заврши со „чиста мрежа“, но уште подобро е тоа што неговите одбрани се од големо значење за Рајо.

Мадридскиот тим изби на втората позиција на табелата и е само третиот тим кој е перфектен по две комплетирани кола, па во моментов има подобар учинок од Валенсија, а полош само од првопласираниот Реал.

Рајо денеска победи со 0:2 благодарение на головите на Гарсија и Сис, но исто толку важен беше и Димитриевски кој имаше клучни одбрани и при резултат 0:0.

Една беше издвоена и од самиот клуб, а истата потсети на одбраната од првото коло кога спречи фантастичен гол на играчот на Алмерија. Истата судбина сега го снајде и Брајан од редовите на Гранада……