Сто дена до ЕП 2024, кое е на пат да биде најодржливото досега

ФУДБАЛ – УЕФА ОДБРОЈУВА ДО ПОЧЕТОКОТ НА ЕВРОПСКОТО ПРВЕНСТВО

07.03.2024 Maart Cetvrtok

До почетокот на Европското првенство (ЕП) годинава остануваат помалку од 100 дена, а Европската фудбалска унија (УЕФА) го обележа тоа со одбројување за турнирот низ факти и бројки.

• Еден: Германија ќе биде единствениот домаќин на ЕП 2024.

• Шест: Кристијано Роналдо се стреми кон својот шести настап на европските првенства. Неговиот соиграч од репрезентацијата на Португалија, Пепе, и играчот од средниот ред на Хрватска, Лука Модриќ, очекуваат петти настап.

• Шест: Шест репрезентации што ќе настапат во плејофот за пласман на ЕП 2024 ќе можат да дебитираат на континенталните првенства доколку се квалификуваат, и тоа БиХ, Естонија, Грузија, Израел, Казахстан и Луксембург.

• 10: Берлин, Келн, Дортмунд, Диселдорф, Франкфурт, Гелзенкирхен, Хамбург, Лајпциг, Минхен и Штутгарт се десетте града во кои ќе се играат мечевите на ЕП 2024.

• 12: Алберт ќе биде 12-та маскота на европските првенства откако Пинокио беше прв во 1980 година. Алберт го доби своето име преку гласање спроведено меѓу корисниците на интернет-страницата на УЕФА и учениците низ Европа.

• 14: Домаќинот Германија настапи на најмногу европски првенства од која било друга репрезентација, откако ова ќе биде 14-ти настап. Заедно со Шпанија, Германија освои по три европски титули, повеќе од која било друга земја.

• 17: Ова ќе биде 17-то издание на европските шампионати.

• 23: Секоја репрезентација ќе достави список со 23 играчи најмалку седум дена пред воведниот натпревар.

• 24: На ЕП 2024 ќе учествуваат 24 репрезентации, 20 му се приклучија на домаќинот Германија преку европските квалификации, а три ќе бидат одредени со плејофот во март.

• 31: Турнирот ќе трае 31 ден, почнувајќи со воведниот натпревар во Минхен на 14 јуни и завршувајќи со финалето во Берлин на 14 јули.

• 36: УЕФА потпиша договор со Здружението на германските транспортни компании за 36-часовна патна карта достапна за гледачите со билети за натпревар на ЕП 2024.

• 40: Ќе бидат доделени 40 златни медали за победничката репрезентација и 40 сребрени медали за второпласираните.

• 51: Ќе се играат вкупно 51 натпревар во 22 посебни натпреварувачки дена.

• 16.000: Ќе има вкупно 16.000 волонтери што ќе го поддржат успешното одржување на турнирот во Германија.

• 71.000: Вкупно 71.000 гледачи ќе присуствуваат на финалето на ЕП 2024 на Олимпискиот стадион во Берлин.

• 2,7 милиони: Повеќе од 80 отсто од 2,7 милиони билети ќе им бидат достапни на гледачите на репрезентациите учеснички на ЕП 2024 и на пошироката јавност.

• 32 милиони: Стратегијата за животна средина, социјала и управување за ЕП 2024 е поддржана со инвестиција од 32 милиони евра. Турнирот е на пат да биде најодржливото европско првенство на сите времиња. l 331 милион: Вкупниот награден фонд за дистрибуција на репрезентациите учеснички на ЕП 2024 е потврден на исто ниво како и за ЕП 2020, вкупно 331 милион евра. Н.М.