Стенд-претставата „Влези, не се соблакај“ на Весна Петрушевска на 19 мај во Охрид

На 19 мај во Домот на културата во Охрид, со почеток во 20 часот, актерката Весна Петрушевска ќе ја одржи својата стендап-претстава „Влези, не се соблакај“.

„Петок е вистински ден за излегување и ве чекам на претстава заедно да уживаме“, вели Петрушевска.

Стендап-претставата „Влези, не се соблакај“ е исповед за животот на Весна Петрушевска, во која во еден и пол час низ солзи и смеа се раскажуваат нејзините подеми и падови, како и најзначајните моменти од нејзиниот живот, детството, младоста, мажачката и инцидентот со автомобилот што ѝ падна во Вардар. Актерката преку хумор раскажува како го запознала и се венчала со својот поранешен сопруг, но и за врската со помладото момче и како, по раскинувањето, ослабела 20 килограми. Раскажува и за тешките моменти на својот живот и за тоа како никогаш не верувала дека ќе падне во клиничка депресија.