Среде гласините за развод, Бен Афлек пристигна сам на матурската на ќерка му со пиво во рака

29.05.2024 Maj Sreda

Парот избегнува да одговори на оваа тема, но новите фотографии од актерот ги загрижија обожавателите. Секогаш кога фотографите го фотографираат последниве денови, тој изгледа неуредно и нерасположено.

Покрај тоа, тој се појавил без придружба на матурската забава на неговата ќерка. На фотографиите кои ги објави Мирор, актерот има мрачен израз на лицето и во раката држи лименка пиво. Оваа сцена загрижи многумина бидејќи е познато дека актерот во минатото бил алкохоличар и се опоравувал.Инаку, кога за време на промоцијата на филмот Атлас, една новинарка ја праша Лопез за нејзиниот брак, односно дали се реални гласините за нејзиниот развод со Афлек, Џеј Ло се насмеа, се наведна кон него и му рече: „Знаеш подобро од тоа“.

Да потсетиме, како што пишува In Touch Weekly, на актерот му „прекипело“ и решил да се разведе од пејачката, а наводно веќе се иселил од куќата која ја делат. Ова го потврди извор близок до парот. „Готово е, тие се разведуваат, а овој пат Бен не треба да се обвинува за тоа“, тврди инсајдерот.