Србија и Италија со фуриозни партии ја затворија групната фаза, познати се осминафиналните парови на

Србија и Италија со фуриозни партии ја затворија групната фаза, познати се осминафиналните парови на ЕП (ФОТО)

Селекциите на Србија и Италија со фуриозни партии и победи над Полска и Велика Британија ја затворија групната фаза на 41. Европско првенство.

Србите во борба за првото место во групата Д им одржаа лекција на Полјаците совладувајќи ги со 96-69. Избраниците на Пешиќ одново покажаа квалитет, знаење, умешност, ги добија сите четири четвртини и дојдоа до пет од пет во овој дел од шампионатот, односно на најдобар начин закажаа осминафинална битка со Италија во Берлин.

Јокиќ со 19 и Милутинов со 16 поени беше први стрелци.

Токму пак Италијанците кои се следен ривал на нашиот северен сосед вечерва имаа свое шоу и ја прегазија Велика Британија со 90-59. Сите играчи добија шанса за настап, најрасположен беше Фонтекио со 18 поени за 15 минути на паркетот.

Кај поразените се истакна Хенсон со 18 кошеви.

Останатите осминафинални двојки се следни:

Германија-Црна Гора

Грција-Чешка

Шпанија-Литванија

Финска-Хрватска

Словенија-Белгија

Украина-Полска

Турција-Франција

(се играат на 10 и 11 септември)