„Специјалниот“ во акција: Мурињо сака да го донесе Донарума во Рома

01.06.2021 Juni Vtornik

Џанлуџи Донарума ја заврши својата приказна со Милан, но и понатаму е неизвесно каде ќе ја продолжи кариерата.

Се споменуваат Јувентус и Барселона како дестинации како клубови кои наводно се подготвени да му дадат по 10 милиони евра по сезона, меѓутоа засега нема ништо официјално на таа тема, па медиумите денеска излегоа со една интересна вест поврзана со италијанскиот репрезентативец.

Како што е познато Рома од наредната кампања ќе биде предводена од Жозе Мурињо кој секако сака да направи силен тим, а во истиот го гледа Донарума. Наводно Жозе се впуштил во акција и бара од управата да вложи многу труд, средства и да го донесе најдобриот италијански голман во Рим.

Колку е моќна Рома да го доведе Џиџио е друго прашање затоа што ќе мора да се задоволат и апетитите на неговиот агент Мино Раиола, а во целата оваа ситуација не треба да се заборави дека „волчицата“ не игра во ЛШ што е уште еден фактор кој може да биде пречка за да се исполни желбата на португалскиот стручњак.