„Сонцата“ ќе имаат пеколно трио: Дурент и Букер добија нова Ол-стар ѕвезда во Феникс

Екипата на Феникс Санс не се прослави во разигрувањето за пехарот, па организацијата се реши да направи промени со тоа што првата голема беше заминувањето на тренерот Монти Вилијамс и назначувањето на Френк Вогел за негов наследник. „Сонцата“ се решени да ги размрдаат работите и уште еден доказ за тоа е големиот трејд кој го прават со Вашингтон Визардс во кој го добиваат Бредли Бил. Американските медиуми информораа дека Бил доаѓа во Аризона и ќе формира опасно трио со Кевин Дурент и Девин Букер. Од друга страна пак си заминува ветеранот Крис Пол, Лендри Шемет, плус вклучени ќе бидат и неколку пикови. Со ова Феникс ќе добие нова напаѓачка опција затоа што е Бил е играч кој 11 години беше дел од Визардс, период во кој го носеше тимот, беше еден од најдобрите на теренот. Трипати беше дел од Ол-стар натпреварите, а настапуваше и за американската селекција со што доволно говори за каков кошаркар се работи. Во оваа размена би можел да биде вклучен и трет тим за да го добие Пол, но основната рамка е завршена.