Снимањето на „Пријатели“ ќе почне во Лос Анџелес во април

05.03.2021 mart petok

Снимањето на повратничката епизода на „Пријатели“ ќе почне најрано во април, по неколкуте одложувања, откри Дејвид Швимер во радио-гостување на „Сириус екс-ем“.

Првично беше предвидено специјалната епизода да се емитува на 20 мај минатата година на „Ејч-би-о макс“. Последната епизода на една од најпопуларните телевизиски серии беше емитувана пред 17 години.

– Конечно, ќе се случи. За помалку од еден месец патувам за Лос Анџелес. Најдовме начин како безбедно да снимаме и добар дел ќе се снима на отворено поради протоколите за заштита – рекол Швимер кој ја глуми улогата на Рос во „Пријатели“.

Педесет и четиригодишниот актерот зборувал и за шпекулациите дека во епизодата ќе има познат телевизиски водител.

– Можам само да ви кажам дека нема да бидат Елен Деџенерис и Били Кристал – рекол тој.

Уште не е познато дали априлското снимање ќе се случи пред публика во живо и кога ќе биде објавена епизодата.