Скелет на најстариот африкански диносаурус пронајден во Зимбабве

Научниците пронајдоа фосилни остатоци од најстариот африкански диносаурус во Зимбабве, кој живеел пред 230 милиони години.

Мбиресаурус рати (Mbiresaurus raathi) бил висок метар, трчал на две нозе и имал долг врат и назабени рабови на забите. Научниците рекоа дека станува збор за вид на сауроподоморф, роднина на сауроподите што одат на четири нозе. Скелетот е откриен за време на две експедиции во долината Замбези.

Откритието треба да понуди поголем увид во еволуцијата и миграцијата на раните диносауруси, кога светот бил еден огромен континент.

Фосили биле пронајдени во Зимбабве и претходно, а научниците тврдат дека има повеќе локации за истражување. Речиси целосен скелет се чува во просторија во градот Булавајо, Зимбабве.