СКАНДАЛ ВО ЛУВР: Маскиран маж фрлил торта врз Мона Лиза/ ВИДЕО

Во Лувр, маж во инвалидска количка фрлил парче торта на „Мона Лиза“ на Леонардо да Винчи. Инцидентот се случил вчера, пренесе „Тајм“.

Маж со перика, кој пристигнал во салонот во инвалидска количка, се обидел да ја оштети работата на Леонардо да Винчи. Сликата е зачувана со заштитно стакло.

Така, на социјалните мрежи се појави видео на кое се гледа дека заштитното стакло под кое се наоѓа ремек-делото се претпоставува дека е премачкано со шлаг.

Покрај тоа, на некои снимки се гледа како обезбедувањето на музејот го следи сторителот до излезот. Забележано е дека тој смирено излегува од инвалидската количка и оди.

Безбедносната служба веднаш го одвела напаѓачот. Неговиот идентитет и причините за делото не се соопштуваат.

– Помислете на Земјата. Има луѓе кои ја уништуваат Земјата. Размислете за тоа. Сите уметници, помислете на Земјата. Затоа и го направив тоа. Треба да се мисли на планетата – рекол непознатиот сторител за „Тајм“