Симеоне за пораката на навивачите на Лацио: Ме допре во срце…

Лацио и Атлетико Мадрид одиграа без победник во средбата од Лигата на шампионите, дуел на кој домаќините се спасија од пораз длабоко во судиското продолжение со голот што го постигна голманот Иван Проведел кој на овој начин го допиша своето име во историјата на ова натпреварување.

Ова беше средба која донесе посебни емоции кај навивачите на Лацио и кај тренерот Диего Симеоне кој како играч мина четири години на „Олимпико“ и беше дел од најславните години на овој клуб, период во кој беа освоени Серија А, Купот и Супер Купот на Италија, но УЕФА Супер Купот.

Домашните тифози го поздравија Аргентинецот и му порачаа дека Рим и Лацио секогаш ќе бидат негов дом, порака која Симеоне го допре во срце.

-Навивачите се неверојатни, почувствував многу емоции на почетокот на натпреварот, но и при самото влегување на стадионот. Ја имам оваа наклонетост која никогаш нема да умре. Транспарентот беше прекрасен, го допре моето срце, -рече Чоло кој не ја отфрли можноста во иднина да ги предводи лацијалите.