Серена Вилијамс најави повлекување од тениската сцена

Големата тениска ѕвезда, Серена Вилијамс, навести дека ќе се повлече од професионалниот тенис и тоа веднаш по годинешниот Ју-Ес Опен.

Во текст објавен во магазинот „Вог“, Американката зборува отворено за овој дел од животот и желбата да се концентрира на други работи кои не се поврзани со тенисот.

– Доаѓа период во животот во кој мора да донесеме одлука за движење во друга насока.

– Ова е тешко посебно кога сте го сакале тоа што сте го правеле, а јас многу го сакам тенисот. Но, одбројувањето започна, мора да се фокусирам на улогата на мајка, на моите духовни цели и откривањето на нова, но возбудлива Серена, – вели Вилијамс на својот Инстаграм профил, најавувајќи го новото издание на „Вог“.

Вилијамс има 23 грен-слем титули, една помалку од рекордот на Маргарет Курт, а последниот настап ќе и биде на Ју-Ес Опен, каде стигна до шест трофеи од најважните турнири.