top of page

Селекторот на Малта, Марколини: Македонците дури и индивидуално се подобри, имаат квалитет и сила

Македонската фудбалска А репрезентација е во Ла Валета каде во вторник од 20.45 часот ќе го игра натпреварот од квалификациите за ЕП 2024 против Малта.Нашите најдобри фудбалери на хартија ја имаат фаворитската улога, но истата треба да се докаже на теренот и со три важни бода останат во игра за едно од местата кои водат на следното ЕП во Германија.

Првиот меч помеѓу овие две селекции во Скопје го доби нашата селекција со резултат 2:1. Како подготовка за овој натпревар, најдобрите фудбалери на Малта пред пет дена во контролен меч славеа со 1:0 против Гибралтар.Селекторот на Малта, Микеле Марколини на прес-конференцијата ги сподели очекувањата во пресрет на утрешниот дуел.

Марколини истакна дека Македонија се соочи со својот дел од тешкотиите, особено по високиот пораз од Англија во Манчестер со 7:0, но и покрај тоа покажала издржливост и подобрување.

– Да се најде најслабиот тим во квалификациската група е многу тешко. Македонците дури и индивидуално се подобри, имаат квалитет и сила. Не треба да се потценува ниту еден тим, и треба да се препознае нивниот потенцијал – вели Марколини.



 
 
 

تعليقات


bottom of page