Секогаш со него: Италијанец на раката истетовирал сертификат за примена вакцина

26.08.2021 Avgust Cetvrtok

22-годишен студент во Италија стана неочекувана сензација на интернет откако на раката го истетовира баркодот од дигиталниот ковид-сертификат. Наместо змеј или срце прободено со стрела, студентот на раката има тетоважа со QR-код, што докажува дека е вакциниран против Ковид-19. Андреа Колоне, која живее во Реџо Калабрија, на југот на Италија, ќе треба само да го засука ракавот на влезот во ресторан или кино и да ја покаже тетоважа на левата рака. „Оригинално е, сакам да се разликувам“, изјави тој за весникот „Кориере дела Калабрија“ откако неговите фотографии станаа вирални на Инстаграм и Тик-ток. Неговите родители не биле толку воодушевени. „Тие ме советуваа да бидам помалку импулсивен и да размислам малку подобро пред да направам што било“, рече тој. Видеото објавено на Tik-Tok покажува како се подготвува да влезе во „Мекдоналдс“ и ја крева раката. Стражарот на вратата потоа го скенира QR-кодот, но снимката застанува таму, па не се знае дали необичната тетоважа му овозможила да купи хамбургер.