Се поставува најдолгиот подводен интернет-кабел во светот

Компанијата „Фејсбук“, заедно со неколку телекомуникациски компании, финансира проект за поставување на најдолгиот подводен кабел во светот.

Станува збор за проектот наречен „2Африка“, кабел што ќе биде долг 37.000 километри и кој ќе ги поврзува Африка, Европа и Азија, откако ќе добие нов дел наречен „2Африка перлс“. „Фејсбук“ минатиот месец соопшти дека конзорциумот ќе го продолжи кабелот до Сејшелите, Коморите, Ангола и југоисточна Нигерија. Новиот сегмент би резултирал со вкупна должина од повеќе од 45.000 километри.

Како што сугерира името, целта на иницијативата „2Африка“ е да им овозможи на луѓето што живеат во Африка да се поврзат со интернет, која во моментов е најслабо поврзан континент.

Потпретседателот на „Фејсбук“ за мрежна инфраструктура, Кевин Салвадори, рече дека структурата ќе им служи на поголем број луѓе отколку што првично било планирано.