Свечено осветени темелите за новата камбанарија во храмот „Св. Наум Охридски“ во Стар Караорман

03.07.2025 Juli Cetvrtok

Вчеравечер свечено беа осветени темелите за новата камбанарија во храмот „Св. Наум Охридски“ во штипската нас. Стар Караорман. Настанот беше чиноначелствуван од митрополитот брегалнички, г. Иларион, заедно со свештеници од епархијата.

На почетокот на свеченоста, митрополитот Иларион го благослови почетокот на изградбата на камбанаријата, истакнувајќи ја важноста на овој проект за духовниот развој на местото и за целата епархија.

На настанот присуствуваа бројни верници од Стар Караорман и околните села,како и градоначалникот на Штип Иван Јорданов, кои со големо задоволство го поддржаа овој важен момент за храмот. Местото за камбанаријата, која ќе биде поставена на врвот од новата структура, е избрано со цел да го подобри звучниот и духовниот ефект на молитвите што ќе бидат чуени од многу километри околу храмот.

Изградбата на камбанаријата ќе биде значаен проект за местото, кој ќе има долгогодишен позитивен ефект на духовниот живот на верниците.