Светскиот рекордер на 5.000 метри поради повреда го завршува атлетскиот Мундијал

Светскиот шампион на 10.000 метри од Мундијалот во Будимпешта, Џошуа Чептегеј, се повлече од понатамошните трки и поради повреда го откажа својот настап во дисциплината 5.000 метри слободно.

Атлетичарот од Уганда изјави дека има проблеми со стапалото, па затоа решил да не ризикува дополнително и става крај на својот настап во главниот град на Унгарија.

„Навистина би сакал да трчам и на 5.000 метри, но се плашам дека тоа е невозможно. Имав мала повреда на стапалото и не би сакал таа да се комплицира дополнително. Лесно е да учествувам на трката, но ако повредата стане посериозна, тешко ќе биде да се рехабилитирам“, изјави Чептегеј.

Публиката во Будимпешта ќе остане „покуса“ за мајсториите на Чептегеј, кој е воедно светски рекордер на 5.000 метри и е актуелен планетарен владетел во оваа дисциплина. Тој пред само неколку дена се закити со златниот медал на 10.000 метри и беше најголем фаворит за дупло пократката трка, заедно со Норвежанецот Јакоб Ингебритсен.