Сари за новото име во Јувентус: Тој е вистинскиот човек за овој период, верувам…

Искусниот италијански стратег, Маурицио Сари одработи интервју за „Спорт Италина“ во кое говореше на неколку теми, а меѓу нив беше и Јувентус, тимот кој го предводеше пред да се пресели во Лацио.

„Старата дама“ ја загуби, поточно повеќе не е доминатна во Италија, исто така не блеска ниту во Европа што секако е јасен знак дека се потребни одредени промени, потези кои ќе ја размрдаат работата и ќе го вратат тимот на победнички патеки,

Клубот од Торино презема чекор и го доведе за нов спорски директор, Кристијано Џунтоли кој досега работеше во Наполи. Сари добро го познава Џунтоли и верува дека Јуве со неговиот ангажман направил потег кој ќе го даде посекуваниот резултат.

-Мислам дека тој е вистинскиот човек во вистинско време за овој историски период, бидејќи Јувентус треба да се реконструира. Џунтоли е феномен во овие ситуации и мислам дека ова е вистинскиот момент. За жал за нас во Лацио, мислам дека ќе ги среди. Не знам колку брзо ќе ги реши тие прашања, но познавајќи го, верувам дека ќе успее во нивната реконструкција, -рече Маурицио кој ја посочи најголемата предност, сила на новиот оперативец на „бјанконерите“.

-Јас би рекол храброст. Џунтоли никогаш не се грижи дали станува збор за ставање важен играч на пазарот и за добивање на некој релативно непознат. Тоа отсекогаш била неговата сила, -порача предводникот на лацијалите.