Санчо мисли дека Манчестер Јунајтед може да го изненади фудбалскиот свет: Навистина верувам во тоа

Џејдон Санчо полека почнува да влегува во формата која се бараше од него кога тој ова лето пристигна на „Олд Трафорд“.

По слабиот почеток на кариерата во Манчестер Јунајтед, Санчо полека почнува да игра подобро на теренот и веќе си го зацементира стартното место во тимот на Ралф Рангник.

Бројките на фудбалерот кој минатите години растураше во Борусија Дортмунд се уште се далеку од посакуваното, но она што ги радува навивачите на Манчестер Јунајтед е дека неговата форма засега оди во нагорна линија.

Играчот по натпреварот со Атлетико Мадрид на „Ванда Метрополитано“ истакна дека верува оти имаат големи шанси да ја освојат Лигата на шампионите.

– Чувствувам дека имаме доволно силен состав за да ја освоиме Лигата на шампионите. Навистина верувам во тоа. Но, мора да работиме мѓусебно, а за да стигнеме до финалето мора да одиме натпревар по натпревар, -заклучи Санчо.