Сантош: Ова е натпреварот на нивните животи, Македонија заслужено е тука!

28.03.2022 Mart Ponedelnik

Фернандо Сантош, селекторот на фудбалската репрезентација на Португалија го најави натпреварот со Македонија, кој носи пласман на следното Светско првенство во Катар.

Искусниот стратег верува во квалитетите на своите избраници и е убеден дека Португалија ќе стигне до посакуваната победа и учество на Мундијалот.

„Последнот натпревар на Македонија не ја носи вистинската слика за оваа Македонија. Против Италија беше еднонасочна игра, па затоа моравме да „копаме“ поназад, за да ги воочиме вистинските квалитети. Македонија игра одлично на гости, тоа го докажа и со победата над Германија, па мораме да бидеме подготвени во секое време, да одговориме на нивниот низок блок, и одличниот контра напад. Мораме соодветно да одговориме. Ова е натпреварот на нивните животи, но ние треба да одговориме, со посветеност, одлучност, интензитет, дух на пожртвуваност и волја.

Притисокот што треба да го имаме е да бидеме во Катар, тој е единствениот на кој треба да се фокусираме. Секогаш зборуваме за имиња, но Македонија заслужи да е тука, победија во Германија и во Италија. Ако не ги гледаме како целина, секако дека ќе ризикуваме. Имаме јасна цел, а тоа е да бидеме во Катар. Почнавме против Турција и утре треба да го повториме тоа“, рече искусниот стратег.

Натпреварот меѓу Португалија и Македонија се игра в вторник со почеток од 20:45 часот пред распродаден „Драгао“.